«Առողջ Ապրելակերպ» Ծրագիր

Ноя 02 2021

«Առողջ Ապրելակերպ» Ծրագիր

«ԱլտՄեդ» ՎԵՐԱԿԱՆԳՆՈՂԱԿԱՆ, ԿԱՆԽԱՐԳԵԼԻՉ ԵՎ ԱՎԱՆԴԱԿԱՆ ԲԺՇԿՈՒԹՅԱՆ ԿԵՆՏՐՈՆ

«ԱլտՄեդ» Բժշկական Կենտրոն՝ ժամանակակից և ավանդական բժշկության մեթոդների եզակի համադրություն:

ՀՄՈՒՏ ԵՎ ԲԱՐՁՐ ՈՐԱԿԱՎՈՐՄԱՆ ԲԺԻՇԿՆԵՐ
ԱԽՏՈՐՈՇՄԱՆ ԵՎ ԲՈՒԺՄԱՆ ԺԱՄԱՆԱԿԱԿԻՑ ԵՎ ԱՅԼԸՆՏՐԱՆՔԱՅԻՆ ՄԵԹՈԴՆԵՐ
ԻՆՏԵԳՐՎԱԾ ՀԱՄԱԼԻՐ ԲԺՇԿԱԿԱՆ ԽՆԱՄՔ
ԱՆՀԱՏԱԿԱՆ ՄՈՏԵՑՈՒՄ ՅՈՒՐԱՔԱՆՉՅՈՒՐ ՊԱՑԻԵՆՏԻ

Նյարդաբանություն, Սրտաբանություն, Գաստրոէնտերոլոգիա, Ռևմատոլոգիա, Ներզատաբանություն, Նեֆրոլոգիա, Թոքաբանություն, Անեսթեզիոլոգիա, Վնասվածքաբանություն-Օրթոպեդիա, Անոթային վիրաբուժություն, Նեյրովիրաբուժություն, Դիետոլոգիա-Նուտրիցիոլոգիա, Մաշկաբանություն-Կոսմետոլոգիա, Ռեաբիլիտոլոգիա, Ֆիզիոթերապիա, Կինեզիոթերապիա, Մերսում, Ռեֆլեքսոթերապիա, Մանուալ թերապիա, Օստեոպաթիա, Հոմեոպատիա, Լոգոպեդիա, Հոգեթերապիա

«Առողջ Ապրելակերպ» Ծրագիր

Ավելի լավ է զբաղվել հիվանդությունների կանխատեսմամբ և կանխարգելմամբ, քան նրանց բուժմամբ:

Չնայած, որ վերջին 150 տարիների ընթացքում մարդու կյանքի միջին տևողությունը աճել է գրեթե 2,5 անգամ, մարդիկ շարունակում են ձգտել ապրել ավելի երկար: Անհատի կողմից իր առողջությանան վերահսկումը և կառավարումը մեծ տարածում է գտնում ամբողջ աշխարհում, և դառնում է առողջ երկարակեցություն հնարավոր գործիքներից մեկը: Հիվանդների համալիր բժշկական հետազոտության հատուկ մշակված ծրագրերը` «Check Up» (անգլերենից «check up» – ստուգել, վերահսկել), հարմար են ինչպես երիտասարդների, այնպես էլ տարեցների, և առաջին հերթին՝ արտաքինից առողջ մարդկանց համար: Եթե մարդը քրոնիկ հիվանդություններ ունի, նա սովորաբար այցելում է մասնագետների և վերահսկում է իր վիճակը: Իսկ նրանք, ովքեր գանգատներ չունեն, կարող են տարիներ շարունակ չկասկածել թաքնված հիվանդությունների մասին:

«ԱլտՄեդ» վերականգնողական, կանխարգելիչ և ավանդական բժշկության կենտրոնում մշակվել է նոր ծառայություն` «Առողջ ապրելակերպ» Ծրագիր: Սա մարդու առողջության կառավարման ծառայություն է. Այն նրանց համար է, ովքեր մտադիր են հոգ տանել իրենց առողջության մասին, բայց չգիտեն, թե որտեղից սկսել: «Առողջ Ապրելակերպ» Ծրագրի նպատակն է օգնել պացիենտին հասկանալ ներկայիս առողջական վիճակը, որոշել հետագա գործողությունները և ուղեկցել նրան վերականգնման ճանապարհին, այսինքն՝ լինել նրա առողջության նավիգատորը: Նրա օգնությամբ յուրաքանչյուրը կկարողանա գտնել սեփական ճանապարհը դեպի առողջություն, իսկ «ԱլտՄեդ» բժշկական կենտրոնի մասնագետների թիմը պացիենտին կուղեկցի և ոգեշնչի այս ճանապարհին:

«Առողջ Ապրելակերպ» Ծրագիրը հիմնված է վերջին տարիներին ժամանակակից բժշկության կողմից մշակված այսպես կոչված 4P-բժշկական սկզբունքների վրա, որը ներառում է հետևյալ հասկացությունները.

Անհատականացում (անգլերենից «Personalise» – յուրաքանչյուր պացիենտի նկատմամբ անհատական մոտեցում),
Կանխատեսում (անգլերենից «Predictive» – պացիենտի առողջության հավանական խնդիրների կանխատեսում),
Կանխարգելում (անգլերենից «Preventive» – պացիենտի հիվանդությունների կանխարգելում) և
Մասնակցություն (անգլերենից «Participate» – պացիենտի մոտիվացված մասնակցություն):

Բժշկության այս ուղղությունը ենթադրում է ոչ միայն և ոչ այնքան հիվանդությունների հայտնաբերում, այլ, առաջին հերթին, դրանց նկատմամբ նախատրամադրվածության որոշում և դրանց առաջացման և բարդությունների զարգացում կանխարգելում: Կլինիկական, գործիքային և լաբորատոր հետազոտությունների ընթացքում ստացված արդյունքները մշակումից հետո օգտագործվում են ախտորոշումը հաստատելու, հիվանդության ռիսկը պարզելու, ախտանիշների զարգացումը կանխատեսելու, կանխարգելիչ միջոցառումների ուղղությունները մշակելու, կանխարգելման ուղղումը և բուժման արդյունավետությունը վերահսկելու համար: Հետազոտության ընթացքում նորմայից որևէ շեղում հայտնաբերելու դեպքում «ԱլտՄեդ» բժշկական կենտրոնի բժիշկներն այցելուին ուղարկում են լրացուցիչ ախտորոշման կամ նեղ մասնագետների խորհրդատվության:

Հատուկ մշակված սխեմաների միջոցով «ԱլտՄեդ» բժշկական կենտրոնի մասնագետների թիմը (ընդհանուր պրակտիկայի բժիշկ, սրտաբան, էնդոկրինոլոգ, նյարդաբան, գաստրոէնտերոլոգ, թոքաբան, նեֆրոլոգ, ռեւմատոլոգ, գինեկոլոգ, ատամնաբույժ, դիետոլոգ, հոգեբան և այլն) իրականացնում է հիվանդի առողջական վիճակի ամբողջական ուսումնասիրություն, որը ներառում է հիմնական քրոնիկ հիվանդությունների զարգացման ռիսկի որոշում` հաշվի առնելով վնասակար սովորությունները, տարբեր հիվանդությունների գենետիկական նախատրամադրվածության գործոնները, սթրեսային իրավիճակներին արձագանքը, սննդակարգի սխալները, մտավոր և ֆիզիկական սթրեսը, ինչպես նաև ախտաբանական վիճակների և հիվանդությունների սկզբնական փուլերի բացահայտումը: Սա ոչ միայն վերլուծությունների և ուսումնասիրությունների ցանկ է, այլ յուրաքանչյուր հիվանդի անհատական հետազոտություն, հաշվի առնելով նրա առանձնահատկությունը` ժառանգական նախատրամադրվածությունը, նախկինում տարած հիվանդությունները, այսինքն ռիսկի գործոնների ստուգում: Սքրինինգը (անգլերենից «screening», այսինքն՝ մաղել, պարզել) առողջ մարդկանց մոտ հիվանդության բարձր ռիսկի գործոնների հայտնաբերումն է, ինչպես նաև հիվանդության բացահայտում, որը դեռևս կլինիկորեն չի դրսևորվել կամ թերի է դրսևորվել՝ թեստերի, հետազոտությունների և այլ ընթացակարգերի միջոցով, որոնք կարող են արագ իրականացվել: Սա թույլ է տալիս բազմաթիվ հիվանդություններ հայտնաբերել զարգացման սկզբնական փուլերում:

«ԱլտՄեդ» վերականգնողական, կանխարգելիչ և ավանդական բժշկության կենտրոնի ախտորոշման ալգորիթմը թույլ է տալիս գնահատել առողջության ընդհանուր վիճակը և որոշել հիվանդի անձնական ռիսկի ոլորտները: «ԱլտՄեդ» բժշկական կենտրոնում հիվանդների ընդհանուր կլինիկական հետազոտության հետ մեկտեղ (ճշգրիտ ախտորոշում հաստատելու, բժշկական միջոցառումների ցուցումներն ու հնարավոր հակացուցումները պարզելու համար), անհրաժեշտության դեպքում և ըստ ցուցումների իրականացվում է ռադիոլոգիական (ֆունկցիոնալ ռենտգենոգրաֆիա, օստեոդենսիտոմետրիա և մագնիսա-ռեզոնանսային տոմոգրաֆիա), գործիքային (էլեկտրասրտագրություն, էլեկտրոէնցեֆալոգրաֆիա, էխոկարդիոգրաֆիա, բրախիոցեֆալ զարկերակների և երակների երկկողմանի դուպլեքս սկանավորում, վերջույթների հիմնական անոթների դուպլեքս սկանավորում, որովայնի խոռոչի և կոնքի օրգանների սոնոգրաֆիա, կաթնագեղձերի, վահանաձև գեղձի և հոդերի սոնոգրաֆիա, գաստրոսկոպիա, կոլոնոսկոպիա և այլն) և լաբորատոր (արյան, մեզի և կղանքի ընդհանուր անալիզ, արյան կենսաքիմիական անալիզ, կոագուլոգրաֆիա, ուռուցքային մարկերների որոշում և այլն) ուսումնասիրություններ:

Հետազոտություններ են իրականացվում հիվանդի ֆիզիկական և հոգեկան վիճակը որոշելու, ինչպես նաև տարբեր հիվանդությունների զարգացման ռիսկի գործոնների գնահատման համար: Ուսումնասիրության արդյունքում հիվանդը իմանում է իր առողջության մակարդակը և մասնագետների պրոֆիլները, որոնց հետ պետք է խորհրդակցել: Մեր բժիշկները ոչ միայն կազմում են պացիենտի անձնական առողջության քարտը՝ այսպես կոչված «Առողջության անձնագիրը», այլև դրդում են նրան առողջ ապրելակերպի վերաբերյալ առաջարկությունների կատարմանը։ Ստացված տվյալների հիման վրա կատարվում է պացիենտին առողջ սովորությունների վերաբերյալ անհատական հանձնարարականների տրամադրում՝ ճիշտ սնվելու, ֆիզիկական ակտիվության, առողջ քնի հիմունքների, ինչպես նաև վնասակար սովորություններից (ալկոհոլի, ծխախոտի օգտագործում) հրաժարվելու ուղիների մասին և այլն:

Բացի ախտորոշման ժամանակակից մեթոդներից, իրականացվում հետազոտություն է նաև օգտագործելով այլընտրանքային և արևելյան բժշկության բազմադարյան փորձը՝ ԲՌԹ-ախտորոշում, զարկերակային ախտորոշում, իրիդոախտորոշում և աուրիկուլոախտորոշում: Այլընտրանքային ախտորոշման մեթոդները թույլ են տալիս. Գնահատել օրգանիզմի ֆունկցիոնալ վիճակը` բացահայտելով նույնիսկ նախակլինիկական փոփոխությունները. Անցկացնել հիվանդությունների հարուցիչների էթիոլոգիական ախտորոշում. Բացահայտել թունավոր ազդեցությունները և հոգե-հուզական խանգարումները. Որոշել ուռուցքների նկատմամբ նախատրամադրվածությունը և զարգացման առկայությունը. Բացահայտել ալերգիկ ռեակցիաները և ալերգենները. Որոշել օրգանիզմի միկրոէլեմնտների, վիտամինների, հորմոնների, ամինաթթուների և ֆերմենտների թերությունը. Իրականացնել դեղամիջոցների անհատական ընտրություն՝ դրանց արդյունավետության, համատեղելիության, օպտիմալ դեղաչափերի որոշման, ընդունման տևողության և հնարավոր կողմնակի ազդեցությունների որոշում. Պարզել կենսաբանական տարիքը և հարմարվողական պաշարները. Կատարել սննդամթերքի, ատամնաբուժական նյութերի, ինչպես նաև կոսմետիկայի, զարդերի և կենցաղային իրերի օպտիմալ ընտրությունը հատուկ տվյալ անձի համար` ալերգիկ ռեակցիան և այլ կողմնակի ազդեցությունները կանխելու համար:

Բուժզննումն իրականացվում է 3 փուլով: Առաջին փուլում իրականացվում է հիվանդի ընդհանուր կլինիկական հետազոտություն` հիվանդի մարմնի ֆունկցիոնալ վիճակի գնահատմամբ` օգտագործելով զարկերակային ախտորոշում, ԲՌԹ-ախտորոշում, իրիդոախտորոշում և աուրիկուլոախտորոշում` մարմնի «թույլ կետերը» բացահայտելու նպատակով: Երկրորդ փուլում, ըստ ցուցումների, կատարվում են անհրաժեշտ գործիքային, ճառագայթային և/կամ լաբորատոր հետազոտություններ: Երրորդ փուլում, ըստ ցուցումների, նշանակվում են նեղ մասնագետների անհրաժեշտ բժշկական խորհրդատվություններ:

Տարբեր կլինիկական, լաբորատոր և գործիքային ուսումնասիրությունների հիման վրա ձեռք բերված տեղեկատվության շնորհիվ մենք կստեղծենք ձեր առողջական վիճակի ճշգրիտ պատկերը, բացահայտված բոլոր խնդիրների մանրամասն նկարագրությամբ՝ այսպես կոչված «Առողջության անձնագիր», որը հուսալիորեն կբացահայտվի հնարավոր «թույլ» կետեր», և մշակելով ու առաջարկելով բացահայտված հիվանդությունների կանխարգելման և բուժման անհատական ռազմավարություն: Այս համակարգի ախտորոշիչ արժեքը բազմիցս մեծանում է մեր «ԱլտՄեդ» բժշկական կենտրոնում իրականացվող «Առողջության մոնիտորինգի ինտեգրված համակարգ»՝ յուրաքանչյուր հիվանդի առողջության մշտական վերահսկողություն:

Միջազգային կազմակերպությունները խորհուրդ են տալիս տարեկան 1-2 անգամ անցնել կանխարգելիչ առողջական ստուգում (հիմնական բժշկական ստուգում՝ «Check Up») հետևյալ կատեգորիաների անձանց համար.

Անորոշ բողոքներով, ինչպիսիք են հոգնածությունը, մշտական սթրեսը, անքնությունը, անհատներ. Այս բոլոր ախտանիշները կարող են լինել ավելի լուրջ հիվանդությունների նշաններ:
ժառանգական բեռ ունեցող մարդիկ՝ շաքարային դիաբետ, օնկոլոգիական և սրտանոթային հիվանդություններ, օստեոպորոզ և այլն:
Տարբեր հիվանդությունների ռիսկային գործոններ՝ մետաբոլիկ համախտանիշ, ֆիզիկական թերակտիվություն, վատ սննդակարգ, ծխելը, ալկոհոլիզմը և այլն ունեցող մարդիկ:
Հղիության նախապատրաստվող կանայք;
Այն մարդիկ, ովքեր իրենց տարիքի, սեռի, ապրելակերպի, մասնագիտական գործունեության տիպի կամ մարմնի նորմալ ֆիզիոլոգիական գործառույթների փոփոխության պատճառով որոշակի հիվանդությունների ռիսկի են ենթարկվում:
Բնապահպանական անբարենպաստ պայմաններում ապրող մարդիկ:

Ինչպես ցույց է տալիս համաշխարհային պրակտիկան, կանոնավոր բժշկական հետազոտությունից հետո, ավելի քան 90% դեպքերում, պացիենտների մոտ ախտորոշվում են առողջական տարբեր խնդիրներ: Այն երկրներում, որտեղ կիրառվում է «Check Up»-ը, հնարավոր է հիվանդացության դեպքերը նվազեցնել 30%-ով, քանի որ բոլոր հիվանդությունների մոտ 70%-ը կարելի է կանխել վաղ փուլերում: Ժամանակի անընդհատ սղությամբ և ամենաբարձր զբաղվածությամբ այսօրվա աշխարհում սա իդեալական միջոց է՝ թույլ չտալու, որ ձեր առողջությունը անուշադրության մատնվի:

«ԱլտՄեդ» վերականգնողական, կանխարգելիչ և ավանդական բժշկության կենտրոնում տրամադրվում է ինտեգրատիվ բժշկական օգնություն, այսինքն յուրաքանչյուր հիվանդի համար բուժման ռեժիմը մշակվում է անհատապես և ներառում է հենց այն մոտեցումների օգտագործումը, որոնք կապահովեն լավագույն արդյունքը: Բուժման նպատակն է թեթևացնել կամ վերացնել հիվանդության կամ ախտաբանական վիճակի ախտանիշներն ու վերականգնել կենսագործունեության խանգարված ֆունկցիաները և առողջությունը:

Բացի ժամանակակից դեղագործության զինանոցից դեղերի օգտագործումից, հիվանդության զարգացումն ընդհատելու կամ դանդաղեցնելու համար` ազդելով դրա պատճառի կամ պաթոգենեզի առաջատար կապերի վրա, ինչպես նաև վերացնելու դրա ցավոտ կամ անբարենպաստ դրսևորումները և բարդությունները, «ԱլտՄեդ» բժշկական կենտրոնում իրականացվում է բարդ էթիոտրոպ և պաթոգենետիկ թերապիա՝ օգտագործելով ոչ դեղորայքային մեթոդներ, քանի որ ապացուցված է, որ դեղորայքային և ոչ դեղորայքային բուժման տարբեր մեթոդների համակցված օգտագործմամբ թերապևտիկ հնարավորությունները և, համապատասխանաբար, բուժման արդյունավետությունը ավելանում է երկուսից չորս անգամ:

«ԱլտՄեդ» բժշկական կենտրոնում ժամանակակից բժշկության մեթոդների հետ մեկտեղ օգտագործում է նաև ժողովրդական և այլընտրանքային բժշկության բազմադարյան փորձը՝ բուսաբուժություն, ասեղնաբուժություն, մանուալ բժշկություն (մանուալ թերապիա և օստեոպաթիա), հոմեոպաթիա, հիրուդոթերապիա (բուժում բժշկական տզրուկներով), արոմաթերապիա (բուժում անուշաբույր յուղերով), ապիտերապիա (բուժում մեղվաբուծական մթերքներով), պելոթերապիա (բուժում կավով): Քանի որ սովորաբար հիվանդությունը այլընտրանքային բժշկության տեսանկյունից հանդիսանում է հիվանդի սուբյեկտիվ տառապանքի հետ կապված օբյեկտիվ պաթոլոգիական գործընթացների դրսևորում, այսինքն հիվանդությունը «հոգեսոմատիկ խանգարում» է, ապա հիվանդների բուժման ժամանակ «ԱլտՄեդ» բժշկական կենտրոնը օգտագործում է դեղերի և (կամ) ոչ դեղորայքային մեթոդների համադրություն` հիվանդներին հոգեթերապևտիկ մեթոդներով և ազդեցության տեխնիկայով բուժելու համար` որպես լրացուցիչ թերապևտիկ և կանխարգելիչ միջոցառումներ:

Եթե Դուք ունեք քաշի կառավարման, նստակյացություն, ֆիզիկական թերակտիվություն, ծխամոլություն, սննդակարգի, դյուրհոգնելիության, տրամադրության հաճախակի անկման, աշխատունակության անկման, սթրեսի կառավարման, քնի որակի և տևողության խնդիրներ, ապա Դուք ունեք տարբեր քրոնիկ ոչ վարակիչ հիվանդությունների զարգացման վարքագծային ռիսկի գործոններ: Այդ գործոնների կառավարումը, նվազեցումը և բացառումը կօգնի կանխատեսել և կանխարգելել հիվանդությունների զարգացումը: Իսկ եթե ունեք արդեն իսկ առկա կենսաբանական ռիսկի գործոններ` զարկերակային արյան բարձր ճնշում, արյան մեջ գլյուկոզաի բարձր ոչ կայուն մակարդակ, արյան մեջ խոլեստերինի բարձր մակարդակ, հավելյալ քաշ, ճարպակալում, ապա մեր համագործակցությունը կարող է զգալիորեն բարելավել Ձեր ինքնազգացողությունը, կյանքի որակը և կանխարգելել հիվանդությունների բարդությունների զարգացումը:

«ԱլտՄեդ» բժշկական կենտրոնը գրասենյակներին առաջարկում է աշխատողների առողջության խթանմանը ուղղված երկու ծրագրեր` «Ա4» (Աշխատատեղում Ակտիվացրեք Առողջ Ապրելակերպը) և «2ԱԿ» (Անհատական Կանխատեսում և Անձնավորված Կանխարգելում): «Ա4» և «2ԱԿ» ծրագրերի նպատակն է մարդկանց հնարավորություն տալ բարձրացնել առողջապահական գրագիտությունը, մոտիվացիան ու ձեռք բերել առողջությունը բարելավող վարքագիծ. Նրանք կարևևորում են անհատի և միջավայրի դերը առողջության պահպանման և ամրապանդման գործում:

«ԱլտՄեդ» վերականգնողական, կանխարգելիչ և ավանդական բժշկության կենտրոնը ունի համապատասխան բժշկական լիցենզիաներ, հագեցած է անհրաժեշտ ժամանակակից սարքավորումներով և աշխատում է ապացուցողական բժշկական գիտության շրջանակներում՝ հաշվի առնելով Առողջապահության համաշխարհային կազմակերպության (ԱՀԿ) առաջարկությունները, միջազգային և ազգային արձանագրությունները: 20 տարվա արդյունավետ աշխատանքը «ԱլտՄեդ» բժշկական կենտրոնին տվեց արժանի համբավ, քանի որ մենք երաշխավորում ենք մեր հիվանդներին ուշադրություն և հոգատարություն, իրավասություն և պրոֆեսիոնալիզմ: Մեզ դիմում են նրանք, ովքեր լուրջ են մոտենում իրենց առողջական խնդիրներին, ում հիվանդությունը ճշգրիտ չի ախտորոշվել, ովքեր լիարժեք չեն ապաքինվել, քանի որ մենք գիտենք, ինչպես կանխարգելել և բուժել տաբեր հիվանդություններ:

————————————————————————————————————-

Գրանցվեք «ԱլտՄեդ» Բժշկության Կենտրոնի

«Առողջ Ապրելակերպ» Ծրագրին, քանի որ ԱՌՈՂՋՈՒԹՅՈՒՆԸ մեր ունեցած ամենաթանկ բանն է …

Եվ դուք պետք է ամեն ինչ անեք, որպեսզի այն պահպանեք շատ ու շատ տարիներ:

————————————————————————————————————-